Osmani: Afrim Bunjaku ra hero në Banjskë, duke mbrojtur lirinë dhe dinjitetin e Kosovës

14:08 | 24 Shtator 2025
E.K

Presidentja e Kosovës, Vjosa Osmani, ka përkujtuar rreshterin e Policisë së Kosovës, Afrim Bunjaku, në dyvjetorin e rënies së tij gjatë sulmit terrorist në Banjskë më 24 shtator 2023.

Në një postim në rrjetet sociale, Osmani e cilësoi Bunjakun si hero të Kosovës, i cili ra në mbrojtje të lirisë dhe dinjitetit të vendit.

“Afrim Bunjaku ra hero në Banjskë, duke mbrojtur lirinë dhe dinjitetin e Kosovës. 24 shtatori na kujton se liria kërkon sakrificë, por edhe se Kosova është e pathyeshme. Asnjë sulm terrorist e agresion nga Serbia nuk mund ta ndalë të vërtetën. Kosova shtet sovran, i lirë e i pandashëm do të mbetet realitet i pakthyeshëm e i përjetshëm”, tha Osmani./Arbresh.info